"အရှင်..."
"အရှင်..."
နှစ်ခြိုက်စွာအိပ်မောကျနေသည့်အချိန်တွင်ဘေးမှခေါ်သံသဲ့သဲ့ဖြင့်နှိုးနေသည်ကိုဝမ်ရိပေါ်ကြားနေရသည်။သို့သော်နေ့စဉ်ဆိုသလိုတစ်နေကုန်စစ်လေ့ကျင့် ရေး၌ခြေကုန်လက်ပန်းကျပင်ပန်းထားသည်ဖြစ်၍ သူ၏မျက်လုံးတို့သည်ချက်ချင်းပွင့်လာခြင်းမရှိဘဲခန္ဓာကိုယ်တစ်ချက်သာလှုပ်လာပြီး တစ်ဖက်သို့လှည့်သွားသည်။
"အရှင်..."
"အရှင်..."
ဝမ်ရိပေါ်၏လက်မောင်းသည်လက်နှစ်ဖက်ဖြင့်အ တင်းကိုင်လှုပ်ခြင်းခံနေရသည်။လည်ချောင်းသံတစ်ခုဖြင့် မာန်လိုက်သော်လည်း လှုပ်နှိုးနေမှုသည်ရပ်တန့် သွားခြင်းမရှိဘဲ...
"ဖြန်း...! "
ကျိန်းစပ်ပူထူသွားသည့်လက်မောင်းကြောင့် ဝမ်ရိပေါ်၏မျက်လုံးများဖျတ်ခနဲပွင့်လာပြီး လှဲနေသည့်သူ့နံဘေးဒူးတုပ်ထိုင်နေသော အတင့်ရဲလွန်းသည့်တရားခံကိုအမှောင်ထဲ၌ စူးရဲနေအောင်ကြည့်လိုက်သည်။
"အင့်~~"
ဝမ်ရိပေါ် ဘာမှပင်မပြောရသေး။ငိုသံလိုလို တုန်ရီနေသည့်အသံကိုကြားလိုက်ရသည်ကြောင့် အိပ်နေရာမှထထိုင်လိုက်ပြီး အိပ်ရာဘေးမှာရှိနေသည့်မီးခွက်ကိုမီးညှိလိုက်သည်။မီးရောင်အောက်တွင်မြင်နေရသောမျက်နှာထက်တွင် ပါးပြင်တစ်လျှောက်မျက်ရည်များစီးကျနေသည်ကို တွေ့နေရသည့်အခါအလိုမကျစွာမျက်ခုံးများကိုတွန့်ချိုးလိုက်ပြီး...
"ဘာဖြစ်တာလဲ..."
"အရှင်~~"
"အေး မေးနေတယ် ဘာဖြစ်တာလဲလို့...! "
လိုရင်းကိုချက်ချင်းမပြောသည်ကြောင့်ဝမ်ရိပေါ်ဒေါသထွက်စွာအော်လိုက်လျှင် ရှောင်းကျန့်တစ်ကိုယ်လုံးတုန်တက်သွားသလိုရှိပြီး...
"အဘိုး...အဘိုးတစ်ခုခုဖြစ်နေတယ်~~အိပ်မက်ဆိုးမက်တယ်~~"
"ဘာမှဖြစ်မနေနဲ့ အိပ်မက်ဆိုတာအိပ်မက်ပဲ..."
ဝမ်ရိပေါ်ပြောပြီး မီးခွက်ကိုငြိမ်းလိုက်ကာ ပြန်လှဲအိပ် လိုက်၏။ရှောင်းကျန့်၏ခန္ဓာကိုယ်ကိုပါဆွဲလှဲဖို့လုပ်သည့်အခါ ရှောင်းကျန့်တောင့်ထားပြီး...
YOU ARE READING
Ineluctable
Randomရိုးတံနက်နက် စံပယ်တစ်ပွင့်သည် ကေသရာဇာ၏ နှလုံးသားအလယ်ဗဟိုတွင်တည့်တည့်စိုက်၏။ Cover Photo Crd: